Wednesday, 26 December 2018

What is Netflix.|| Netflix ko kaise use kare.

Dosto pehle ek time tha jb humare pas entertainment ke nam par sirf radio hua karte the fir uske bad TV aaya jisne radio ko replace kar diya now ab hum TV dekhte hai par dosto ye bhi bhut jaldi humare bich se gayb ho jayega kyuki ab future ka jamana online video streaming ka hai jisse hum apne saare video content ko online dekh sakte hai. Dosto aaj bhi bhut saare log ese hai jinhone TV dekhna ekdm band kar diya hai kyuki aaj ki es busy life me kisi ke pas bhi itna time nahi hota hai ki vo TV ke samne baith kar khud ko entertain kare esliye hi ve apni movies, serials ko online watch kar lete hai video streaming platform par kyuki yha par aap kabhi bhi kisi bhi time apni videos dekh sakte hai. Bas apke pas ek device or Internet connection hona  chahiye or aap travel karte hue bhi apni videos ko watch kar sakte hai. Or apni esi khasiyat ki wajah se hi aaj video streaming services acha khasa business kar rahi hai.

Dosto aaj ke time me humare pas video streaming ke kafi saare platform available hai like Youtube, Amazon prime, Hotstar, Netflix etc.

Or agar dekha jaye to video streaming services me se Netflix aaj sbse top par hai. To dosto aaj main aapko btane wala hu Netflix ke baare me beginning to now all history.

What is Netflix.



Netflix USA ki ek Video streaming service company hai jisko 29 August 1997 me open kiya gya tha eske founder Reed Hastings (C. E. O)  or Marc Randalph hai.
Netflix ka headquarter Los gatos california me hai.

Netflix ne starting me DVD selling se apna business start kiya tha phle ye apni DVD's rent par dete the fir uske kuch time bad company online available hui or online DVD selling service provide krne lage fir 2007 me Netflix ne apni online Video streaming service start ki or eski sbse khas baat yeh rahi ki es company ne khud apne original show bnaye or unko online available kiya or Netflix ka vo content apko kahi or dusre network par nhi milta tha or ese hi Netflix dheere dheere grow karti chali gayi or itni popular ho gyi jiski kisi ko ummed na thi.

Aaj ke time me Netflix itni successful ho chuki hai ki ye 190+ countries me apni video streaming services provide kar rahi hai or eske worldwide 137 million se bhi jyada subscribers hai jo Netflix ki video streaming service ka use karte hai.

# Netflix in India :

Netflix ka 2015 tk india me business karne ka koi erada nahi tha kyuki unko lagta tha ki india me Internet data jyada use nahi hota hai ve india unke business ke liye perfect country nahi hai fir uske kuch time bad india me jio ke aane se sb kuch badal sa gaya jha 2015 tak Internet usage ke mamle me india ka khi par bhi koi naam nahi tha vhi aaj duniya ki top 10 countries jo highest Internet data use karti hai unme India ka naam bhi shamil hai or India ko es list me laane me jio ne apna bhut bada contribution diya hai say all thanks to jio.
India me aane ke bad Netflix ne Indian uers ko attract karne ke liye Indian shows bhi bnaye jiska latest example Netflix ki the sacred games ki series hai jisme aap nawazudeen sidiqui or saif ali khan ko lead role me dekh sakte hai.

#Advantage of Netflix : 

Netflix par aap apne favourite Movies, TV shows ko apni language me Anytime Anywhere watch kar sakte hai
Netflix par aap apne videos high quality ke sath strem kar sakte hai or different categories ke videos like action, drama, comedy, documentaries me se apni pasand ke hisab se dekh sakte hai. Netflix on demand video par work karta hai matlab ki Netflix vhi dikhayega jo aap dekhna chahte hai.

Netflix ke pas kaafi saare own original shows hai like Ozark, A prayer before down, House of cards, Stranger things, Sacred games ye sb bhut popular hai or agar aapko ye saare shows dekhne hai to aapko Netflix par hi aana hoga kyuki ye sb Netflix ke original shows hai to ye aapko Netflix ke alava kisi dusre network par nhi milege. Or Netflix apne saare shows ko regular update karta rehta hai.

#Awards : 

Netflix ko july 2013 me first Primetime Emmy Award mila tha eske alava esko Golden Globe Award, Peabody award, Academy award jese bhut saare awards Netflix ko abhi tk mil chuke hai.

# Netflix is free or chargeable :

Netflix others network ki tarah free nahi hai eska kuch monthly charge hai jo aapko Netflix dekhne ke liye pay karna hota hai but Netflix apne har user ko first time join karne par one month ka free subscription deta hai agar aap chahe to Netflix ko first month free trial base par use karke dekh sakte hai or agar aapko Netflix ka content pasand aata hai to second month aap eska monthly rental pay karke Netflix ko regular use kar sakte hai.

#How to use Netflix free for a month :

Netflix ko one month free use karne ke liye aapko sbse pehle Netflix ki official website par jaakr vha khud ko register karna hoga or uske 3 plans me se koi ek plan choose karke  payment ke liye apne debit ya credit card ki details fillup karni hogi but don't worry first month aapka koi charge nhi lgega agar aap nhi chahte ki second month bhi aapka Netflix ka charge deduction ho to aap one month complete hone se ek din phle bhi apni membership ko cancel kar sakte hai or ye ekdm safe hai eske liye aapko koi charge nahi lgega membership lete time bhi aap Netflix par ye lines dekh sakte hai
If you decide Netflix isn't for you 
No problem, No commitment 
Cancel online at any time.

# Netflix monthly charges :

Netflix ne apne users ke liye 3 plan available kiye hai.
1 :  Basic plan -  500 rs
2 :  Standard plan -  650 rs
3 :  Premium plan -  800 rs
Es teeno me se aap apne budget ke hisab se koi bhi ek plan choose kar sakte hai.

# My opinion for Netflix subscription 

Agar aap jyadatr movies ya TV shows hindi language me dekhte hai to i don't think ki aapko Netflix ko monthly subscription charge dekar use karna chahiye. Because Netflix par millions of movies & shows ka content available hai par agar aap hindi me ye sab dekhna chahte hai to aap yha thoda disappoint ho sakte hai vese hindi me alag se movies or shows available hai par utna nahi hai jiske liye monthly charge diya jaaye

But do one thing aap Netflix ko first month free use karke dekh sakte hai agar aapko benefit lagta hai to aap second month pay karke eske regular member banke Netflix ko enjoy kar sakte hai.

To dosto ummed karta hu ki ab aap Netflix ke baare me acche se jan gye honge.
Keep smiling keep visiting...

0 comments: