Friday, 5 July 2019

What is TikTok and why India was banned?

What is TikTok and why India was banned?

Hello  friends ..
Ek bar fir se swagat hai aapka TrickyWepZone me  Aaj hum Baat Karne Wale Hain TikTok App ke baare me jo ki aaj kal kafi Famous ho raha hai aur Chote baccho Se lekar Young Generation Tak Ke Log iske Deewane Ho chuke hain. I know aap log bhi TikTok app use Karte Honge Toh Aaj hum janege ki TikTok app itna Famous kaise hua eske legal issues, india me eska ban kiya jana or kese itne kam time ke andar Tik Tok app company ki value 75 Billion dollars Ki Ho Gayi.

What is TikTok and why India was banned?


TikTok ka actual name Musical.ly tha jiske founder hai do purane dost Alex Zhu and Luyu Yang. 
Musical.ly ko Banane se pehle en dono dosto ne educational purpose ke liye ek social networking app bhi banaya tha Jiske jriye users 3-5 minute ki short video Banakar apni knowledge share kar sakte the or ye idea unke investors ko bhi Pasand aaya tha jisse unhe es app ko banane ke liye easily funding bhi mil gayi thi fir Alex aur Unki team ne es par kaam karke 6 mahine baad application Banakar market Mein launch kar diya

lekin wo application unki Umeedon ke according utna accha na kr ski jisse vo dono bht nirash hue par himmat nahi hari aur apni galtiyo ko dekha samza or socha ki unse kaha mistake hui unki research me esi kya kami reh gayi thi jiski wajah se ve fail hue or apni galtiyo ko dekhne ke baad unhone paya ki 3-5 minute ke andar full educational videos banana possible nahi hai because uske liye jyada time chahiye jo har creator ke paas availble nahi hota par har vo insan jo aage badne ki chah rakhte hai vo apni galtiyo se hi sikhta hai.

Ab Alex or Yang ko bhi apni galtiyo se hi sikhna tha fir unhone logo ko observe kiya ki youngsters apni selfi click karke unpr stickers laga kar apne friends ke sath share karte hai or yahi se unko idea aaya ki photos music or video ko ek sath combine karke ek social media plateform banaya jaye or es baar unhone content ko thoda easy kiya or video ki duaration ko 10 sec se 1 minute tak kiya or ab tak vo samz chuke the ki Facebook Whatsapp kafi time se chal rahe hai and now youngsters ko ek new plateform chahiye jaha par ve khud ko Entertain kar sake.

Or apne es new idea ko real bnane ke liye unko ek bar fir se funding ki jarurat thi lekin Pehla project fail ho jane ke bad investors ne un dono par jyada bharosa nahi dikhaya tab unhone apni saving money ka use apne new idea par invest kiya or es baar unhone apna pura experience es par dal diya taki unko dubara se failure ka samna na krna pade aur isliye unhone teenagers or youngsters ko target kiya or us par mehnat karke unhone Musical.ly app banaya or uske kuch time bad July 2014 mein Musical.ly ka official version launch kar diya gaya

Launching ke kuch mahine baad hi Musical.ly ne lakho logo Ka dhyan apni aur kichna shuru kar diya or musical.ly ki success ka andaza aap sab log esi baat se lga sakte hai ki launching ke kuch mahino Baad Hi July 2015 mein Musical.ly application IOS ke App Store par NO-1 position par pouch chuki thi aur ab tak Canada UK Germany Brazil Jaise 30+ countries mein sabse jyada download ki jane wali application ban gayi thi but wait wait... ye toh bas abhi sirf ek shuruaat thi.

What is TikTok


Also Read -
What is Netflix. Netflix ko Kaise use kare

July 2016 Tak Musically ke 90+ million downloads ho Chuke the aur per day 10 millions ke around videos es platform par share ki jaane lagi thi.

Musical.ly ki success ko dekhte huye November 2017 Mein Musical.ly ko Bytendance Technology Company ne one billion dollars mein kharid liya or Bytedance ke control mein aane ke baad es app mein kafi saare changes huye lekin es app ki popularity ka jo sabse khas reason raha vo tha apni video ko apne hisab se edit karne Ki aazadi jo aaj bhi es app ke andar properly work kar raha hai
Bytendance ek chinese internet technology company hai jiska ek app already tha Douyin app jo Musically jesa hi tha chinese market mein fir musical.ly ko kharidne ke bad en dono apps ko aapas me merge kar diya or nam bna TikTok.
2018 Tak eske 200 million Se Bhi Jyada users Chuke the.

Aaj ke time me TikTok 150+ market plateform par 75+ languages me available hai.

@ TikTok paise kaha se or kaise kamati hai.?
Ab aap logo ke dimag me aa raha hoga ki bhai vo sb toh thik hai par paise...paise kaise kamati hai .
toh dosto main aap logo ko batata hu aaj kal ki en badi companies ke paise kamane ke rasto ke baare me. TikTok jesi companies ke pas me paise kamane ke kafi saare options hote hai.
For Some Examples-

1   In App Purchase
 Tik-Tok vese toh sabhi logo ke liye totally free app hai but eske andar kafi saari cheeze esi di gayi hai jinka agar aap use karna chahte hai toh aapko uske liye TikTok   ko kuch payment karna hoga or ye payment 80 rupay se lekar 8,200 rupay/per item tak ho sakta hai.
2   A big User base
 TikTok ke pas abhi current time me 500 Millions se jyada ka user base hai or jiske pas itna bada user   base ho usko funding ki kabhi koi kami nahi hoti. Aaj ke time me online market ke andar user base company ka sabse bada money factor hota hai or jiske pas jitna bada user base hota hai uski market value bhi utni hi jyada hoti hai.
3  Advertising
 TikTok ne abhi tak koi add nahi lgaya hai but usne apni legal policy me esa kahi bhi nahi likha ki vo   esa kabhi nahi karegi soo it means ki TikTok jab chahe apne app par adds show karke bhut saare   paise kama sakti hai.
4  Compaigning
 Compaigning ka matlab hota hai kisi other company ke sath me short time tie-up karna for example Red Chillies Entertainment Shah Rukh Khan ki company hai or jab Shah Rukh ki Zero movie aayi thi tab usne TikTok ke sath me ek tie up kiya tha jisme ek Zero challenge hashtag promote kiya gaya jiske andar TikTok users ko Zero movie ke dialogues perform karne hote the or jeetne wale winners ko Shah Rukh khan or Anushka Sharma ke sath milne ka mouka diya jaa raha tha or es tarah ke kaafi saari companies ke sath tie up karke bhi TikTok acche khase paise kamati hai.

Also Read -
The History of Battle Royal Game PUBG In Hindi

Legal issues
TikTok ke sath kaafi saare legal issues bhi huye hai
 Indonesian Block 
  Indonesia ne 3 july 2018 me Tik-Tok ko pornography contents ki wajah se temporarily block kar diya tha.
 US COPPA Fines  
  United States Federal Trade Commission ne 13 years se kam age wale baacho ki information collect  karne par TikTok se 5.7 Million US dollors ka fine charge kiya tha.
 Ban in India  
 3 April 2019 ko Madras High Court me ek PIL hearing ke time par Tik-Tok ko ban karne par bat hui  or eska reason tha pornography or sexual contents.  jo actual me sahi bhi tha toh esko dekhte   huye Madras High Court ne Tik-Tok ko temporarily ban karne ke order de diye or 17 April ko   Google or Apple ne apne apne app store se TikTok ko remove kar diya tha
 Uske bad TikTok ko over then 6 million videos apne app se remove karni pdi tab jakar 25 April ko Tik-Tok ban release kiya gaya. or es bich usko apne around 2 million users bhi khone pade.

My Opinion for using TikTok
 About TikTok main sirf itna hi kehna chahuga ki koi bhi app aapke Entartainment ke liye toh acchi hai but had se jyada use karne par aap uske addict ban jate hai or  ye aapke liye dangerous hai because ye aapke future goals ko archive karne me help nahi karne wali soo use karo par limit me karo
 Or vese bhi ye aap logo ko hi dekhna hai ki jis cheez ko aap apna aaj ka time de rahe hai vo aapke future me kitne kaam aane wali hai.

Toh Dosto agar aapko humari ye post pasand aayi ho toh please like kare or apne dosto ke sath social media par share kare ...
Or agar aapke es post se related koi bhi question & suggestion ho toh aap niche comment kar sakte hai..
 Thank You.

0 comments: